يا ملكنا يا ملكنا لولا بتنزل
لولا بتنزل ع ممالكنا
بتنزل وتشوف مملكة الليل
مملكة السهر ممكلة الهوى مملكة القمر
كنت بترضى وبتباركنا وبتقول لحرسك يتركنا
يا ملكنا آه يا ملكنا
بحكيلك يا ملكنا عن مملكة السّهر
منقعد على سطيحة منغفى ع حجر
ما فيها حراس ولا ضجة حراس
بتحرسها السما ووراق الشجر
مملكة السهر يا ملكنا
بتحرسها السما ووراق الشجر
وشو بقلك يا ملكنا عن مملكة الهوى
اللي بيعلق فيها ما إلو دوا
بتكون حاكم بتصير محكوم
بتكون ظالم بتصير مظلوم
صدقني يا ملكنا صدقني
بتكون حاكم بتصير محكوم
بتكون ظالم بتصير مظلوم
والظالم بيرضى وبيرضى المظلوم
والحاكم ع بابا يستعطف المحكوم
آه ما أعجب الهوى ومملكة الهوى
بتحركنا وبتشبكنا وعلى طول العمر بتملكنا
يا ملكنا آه يا ملكنا